ЭЛЕГИЯ

Спахьла йаъу сазхъвыцитI,
Сыла йгIацIалхитI йаъаз...

СыдзитI, псейспамца сыдзитI,
Зынла сымдзырныс ахъаз.

Апша хьшвашва гIасыцхъвмаритI,
СщаквнакIуаштI уадыргIвана.

РыцIа рыцIа тшарыхъаритI
ЙгIамзымдаз агIвагвана.

Схъвыцра хвыртата йсыхьитI,
АцIх йгIанагитI асрычвхIва.

ЙхьыхитI псейспамца йхьыхитI,
Са смурад пшдзаква рытшгIва.

Схъабра шкIвокIвара гIалашвитI,
Сысквшква кIнылитI ахъылагъь...

СыдзитI, псейспамца тшаласшитI,
ЙчмазагIву суагIа рылахь...
Мыхц Кьарим