12.01.2010

ХIЬIХЪЬI3 ПШД3АТА ЙЛЫРГИТI

Гвана Муминат ажв­лара уыснкъвгагIвчва, анаука нхагIвчва гвымчIваква дрыуапI. Ауи йцIыхъвахауа аcквшыгIважва руацIа абаза yaгIaxъa ркультура, рыбызшва агIащаквыргылхра щъата дацIагылапI, arIвымa къральква рпны йбзазауа абазакви хIхаквлагIвчви ращтаныкъвара, рабадырра ймачIымкIва лкъару алапI.

АrIвrIвы бергьльы Задорнов Михаил йажваква: «АгIвычIвгIвыс йымлыкв гвaкIвым йгвбайара akIвпI хвы зму» Муминат лбзазара амурад хъада гIaxънатIитI. Ауи аргваныта дыздыруа зымгIва дгIазлыцIыз ayaгIa бзибарата йрызлыму, лгIвычIвгIвысaгIa гIалыркIгIитI.

ЗхъатауIв файда йазхъвыцквауа йрыуам ари агIвычIвгIвыс Абрамов Федор йажваква швапхата йгIалглитI: «AyarIa ртурых ъадзардыруа aкIвпI pyaгIaxъapa ъадзарзыхчауа». Муминат дашIамсуата xIaпxъaнчIвиква ргвыбзыгъари ргIвычIвгIвысагIи йгIадзынгылуа йшрыладлыркIуаш дащтапI. АгIвычIвгIвыс дъагIадзынгылыз атгIачва ршвапха йхIаль щаквнаргылитI. Муминат лаба Гвана СултIан Лагъь КIавкIазла зыхьыз бергьльу адырра ащатащтIацIагIвчва Макьар Умари Тобыль Тольыстани рапшта, абаза yarIa дырра шрауашыз дазабакIуан. Тобыль Тольыстан абаза алфавит алатин графика йгIатигата ужвы хIызлагIвуа, хIызлабзазауа йаназгIайгуаз, асквш 1938 arIaн, Гвана СултIан абаза газет апны дынхун. Алфавит шIыцла апхьагаква гIацIщтхра атахъын, Тольыстан зымгIва дгьрыхамдзузтI. Ари ауыс апны ауи СултIан гвыбзыгъата дгIайыцIагылтI. Ауи абаза хIарыфба урышвла йатайкIтI, 1–2 классква рапхьагаква rIaцIищттI.

СултIан дызцынхаз, йайрыпхьаз, аргваныта дыздыруаз зымгIвагьи дгвыбзыгъата, йкърар багъьата, гIвычIвгIвысагIa ду нкъвигауата акIвпI дшгIаргвалашвахуа. АбызшвадырыгIв бергьльы Сердюченко Г. абаза грамматика алкIгIараква данрыдынхалуаз СултIан йунагIва дгIашIаслун. АгIвапхьахьакI, анбжьагIвыгIapa йахъазымкIва, абаза бызшва адынхалрагьи йаднакIылуан.

Муминат дшхвыцыз адырра йачIвыз лаба йбжьагажваква лылалкIтI. Ауи Ростов йтагылу амлыкврхIара институт дангIалга, Къарча-Черкес наука –рхъвыхырта институт нхара ддрайгватI. Жвасквша данынха, Лагъь КIaвкIазла йапхъахуз апхьахьаква дрылата СССР анаукаква р-Академия апны кандидат диссертация лхчатI. Асквш 1987 йгIашIарышвта Муминат Къарча-Черкес технология институт (ужвы КЧГТА) экономика кафедра дадоцентпI, дпрофессорпI. Асквш 1996 aгIaн абаза xIвcыca рпны йапхъахауата Россия Федерация асоциальна наукаква р-Академия даларцIатI. УахьчIвала ауи лдоктор диссертация адынхалра ацIыхъва йналырдзитI. Ауи арынок экономика ргIапсщала зынла уакъыльи уымчи зквымхъуш уыс щарда гIацIанакIитI.

Анаука – педагогика нхара йахъазымкIва, Муминат жвлара уыс щарда нкъвылгитI. Ауи тшпхьазкIта абазаква рылахь гIвынакIла йапшуа дгьрыуам. ЛуагIа рхьыгIa лгвы йалситI, pгIaтгapaква дрыладухитI.

ЙцIыхъвахауа ажвасквша руацIа Муминатгьи зпхьадзара мачIу ауагIaxъaквa йырзынарху ашвъаква агвынзыргIвуа дрыуапI. Асквш 1991 йгIашIарышвта «Апсадгьыл» ассоциация даунашвачпагIвпI. Ари ажвлара организация хIкъраль йбзазауи датша шIыпIа йагаз хIхаквлагIвчви рабадырра, ращтаныкъвара йацхърагIитI. Ауи йапшу ауысква рыщата рыцIагьи йбагъьахара ахъазла, Муминат къраль щарда дцатI, ауат рыжвлара уыснкъвгагIвчва дрынйатI. Асквш 1992 йгIашIарышвта Муминат МАААН (абаза-абхаз уагIaxъaквa р-Ассоциация) давице-президентпI. Ари апхIвыс гвымчIва «Абаза» жвлара мгIвайсра аисполком далапI, уыста йгIащтIырхлакIгьи джьгарта дрылапI.

Йджьауымщушта йгьаъам ари схаквлагIв лымч зквхъадзауа. Муминат дгIазлыцIыз ayaгIa ртурыхгьи йгIайуаш рпхыцIагьи гвыла йылгитI. Ауи йлапшу рбзирала акIвзапI йаргьи абазаква хIыхьыз пшдзата йгарныс алзыршауа.

Количество показов: 613
Автор:  НАКlВАХВ Михаил