14.09.2010

Ар ауагIахъа рыщайдза абагIаджвыквылуа?

Апхьахьаква уагIахъата адуней йыкву ртлапкъ ащата КIавкIаз йгIатыцIта йщаквдыргылтI, Арий уагIахъа гвып(арийская раса) скшышвквакIла утхъахырквын, наука терминла йызларыпхьуз «кIавкIаз расан».

Йдучвам сгIвыра апны арий уагIахъа гIазлыцIыз сырхъвыхра стахъыпI. Европа Амараташварта алагъьла хIгIалагапI. Гомер й-Илиада афыр Аскания йыхьыз акъраль Скания-Скандинавия йгIахъшахъыцIтI. Рыщайдза ъагIаджвыквылуа Ассия-Асгард-Один йахIыгIва Илион (Троя) аквта Тамань акIвпI.

Ажва ахъазла уыжвгIанчIви Норвегия къральыгIва рыкъала хъада Осло апхъанчIви уагIахъа КIавкIаз йтыцIыз абазгква-абаскква рыщайдза йгIалцIитI – Асс- Лоу. УахьчIвала йщаквгылу атермин «из варяг в греки» уадгылуашта йгьаъам. Йара ауыгьи Европа амараташварта ашIыпIаква акультура тшгIащтIдызрыхыз Арес (Ар-Айс) йгIайхъшахъыцIыз аугIахъаква КIавкIаз йгIатыцIыз аткъвымква ракIвпI. ЙгIалкIгIара атахъыпI уыжвгIанчIви Нидерланды-Голландия ртлапкъква урышв хIващала Ван гIазхъшахъыцIуа апхъанчIви абаза уагIахъа и-Уан акIвпI. Ауи Иуан тлапкъ йара ауи апшта йгIаныцIитI аурышв тдзахьыз-хьыз – Иван.

Йшбергьльу апшта Юлий Цезарь ЭнейргIа йара йткъвымта йпхьадзун. Ахабарыжвквала ахейкви ауат йрыцIагылазгьи Илион (Троя) аныркIуаз Эней йхъа йхчауата ужвы Италия ъаныргIалу дазгIайтI. Тшанабитх, йщапIы даныквгылх, ахIыгIва гIанйыршатI. Дара ауат римлянква Альбион-Англия апны Лондиниум–Лондон, Йорк-шир ауаркъква йыруыхваз бзазартахатI.

ЙгIалуымкIгIушта йгьаъам ангьльыз уагIахъа рльапкъ ажвдза-Лоу-Лордква(Анхизид абанпара).

Ари ахабар ангIаджвыквсцIазара абаск уагIахъагьи гIахIмырбакIва йгьауашым. Ари ауагIахъа Испания алагъьи Франция агIадахьи ащхъа шIыпIа, Андорра къральыгIва чкIвын гIацIанакIуата, ацIахьылагьи Бискай дзыгIвбжьачIва атшпква рчIвартапI. Абазакви абасккви рыбызшва, рдунейыквща шапшу, ахвитра бзи йшырбауа гIалуымкIгIушта йгьаъам. Ага йызквбзазауа ашта агIархвитхра ралацIара дууызтынгьи, ужвы йъагIадзазгьи ауагIахъаква (Баски) къральыгIва гьырзыщаквыргылуам. Испания агIарып маврква рчIгIвынра сквш 700 йацIан, ауи йгIацIыздаз абаскква ракIвпI. Ауат йара уахьчIвагьи йазалху организация гIандыршан рхъахвитра йазабакIитI.

Йара ауаса Азияла рахIа хъацIара злу, йчвгьадзу инд-европа уагIахъа гвып йрыланакIуа апуштунква (Афганистан, Пакистан абзазагIвчва) рнаука нхагIчва йшырхIвауала, рыщайдза апхъанчIви грекква рахькIьала йгIаджвыквлитI. Ауи даквгIашIаситI агIвгIвы бергьльы Семенов Юлиан «Экспансия» йгIвыра апны. ЙаъапI датшагьи гIвыра Индия йнадзаз ацгьанква рышта йтызцаз арий уагIахъа шракIву, ауатгьи КIавкIаз йштыцIыз зрыбагъьауа.

Йбергьльу США агIвгIвы, аисторик, агрек уагIахъа йгIарылцIыз Захария Ситчин араса йгIвытI: «Содержание хеттских текстов и принадлежность их языка к индо-европейской семье сделали возможным проследить их происхождение и отнести его ко второму тысячелетию до нашей эры, когда арийские племена начали мигрировать с Кавказа».

Адунейла арий уагIахъа гвып йрыуата тшгIарылызхIвауа анамыцаква ракIвпI. Ан-мца – амца квырмыш азызчпауа гIаныцIитI. Айхагьи йапхъахауата йгIазырхарджьыз дара ракIвта йщаквдыргылитI. Анаука йшгIанахIвауала, анамыцаква хIара апхъала йцбахауа асквшышвква хIэра йпщбахауа асквшышв тлахан КIавкIаз йбзазун. (Асквш 1989 йгIацIцIыз совет энциклопедия Ду апны Германосса-Тамань йгIаквчважвауа гIвыра).

Агерман, ассква, аготква, афатейква(фатргIа), Сбыр-Урал йгIатыцIыз агунква, асармат-шармат ханква Атилла йахIыгIва абалахI йанацIашва уыжвгIанчIви Германия ъаныргIалу ашIыпIала йайтыпатI. Ужвы афатей-фатргIа рхабар гIахIхIыргвалашвахпI. Ауи йбергьльу ткъвымыжвдзан. Сквшызпхьадзара айхIа зхъыцIуаз фатргIа совет власть гIаргта, ауагIа рымлыкв анрыквырхуаз йыквырчIвакьтI. Ари атлапкъ запхъагылагIвыз ауагIахъа айсыгIвчва-тшыгIвчвата зкьы 20, щъагIвта зыкь 22 ангIадыргылуаз заман аъан. («Материалы к древнейшей и средневековой историй адыгов(черкесов), Черкесск наука рхъвыхырта институт, асквш 1954»).

ЙагIвсыз Абашта айсра Ду агIан анацистква рхачIв хъадаква йрыуан КIавкIаз агIакIра. Араъа йаъу анефть, адгьылква, атенгьыз мгIва гIадрысабапта Гималаи щхъа йыцIачIву акъральква, Индиягьи рылата ркIра рмурадын. Ауат рхачIвква йрылан КIавкIаз щхъа квта-УрышвихъымгIва адунейла квырмышчпарта квтата йырчпарныс.

Анацистква райсыгIвчва рпахь хачIвыта йрыздыргылтI, КIавкIаз алагъьла йбзазауа аугIахъаква йырхьымсырныс, ащхъа агIвадахьла йбзазауа йрызхъарымцIарныс(«План Барбадоса»).

Ауи акIвпIта, арат атурых гIаншараква уанрыхагIвазара, уагIахъата адуней йыкву зымгIва рыщайдза КIавкIаз йштыцIуа гIалкIгIа ауаштI.

УжвгIанчIви Къвбина ашIыпIаква апхъанчIвиква «Гипанис»-хIва йапхьун. «Ги»-«дзы», «панис»-«парала» - йгIайуа адзыгIв гIаныцIитI, ауи Азов (Меотида) йалачIвитI. Атопоним картала ари ашыпIа апны ахейква, афатейква, адандарийква, аджьандарква, адарква, адарыкъваква йрыштапI. Абар Гомер й-Илиада аквчважвараква йырхIвауа: «Амазонки – мифическое племя женщин воительниц и наездниц на севере Меотиды – Азов. С ними сражались Геракл и Тесей. В Троянской войне амазонки были враждебны ахейцам и после смерти Гектора пришли на помощь троянцам».

Гомер йфырква адуней угIахъа алыхта (арий йхIаракIу атлапкъ) тшызпхьадзауа зымгIва – анамыцаква, ангьльызква, ароманква, аславянква тшырпырщылитI. Ажва ахъазла Троя славян бызшвала йгIаныцIитI хсатыркIла йкIвыршу бзазарта. ЙашIхIырпшыпI: агерман-намыца уагIахъа рдамыгъа хъада-айха; КIавкIаз йгIатахаз ауагIахъаква рныхахIварта-квырмышчпарта ажьира – айхарчварта. «КIвалхы-колх» йгIаныцIитI – кольчуга, панцирь, шлем. Ужвы йъагIадзазгьи агIвычIвгIвыс заза «кIвалдзы ушвуцIума»-хIва лакъырды дырчпитI. Йара ауи апшта, Убых уагIахъагьи «Убла-йхы-йайха» гIаныцIуата йпхьадза ауаштI («Пророк Ауыблы и кавказцы», «Абхазская мифология древнейшая ли?» нхараква знапIы йгIацIцIыз апхьахьа Турция йту апсыуа махIаджьыр Бенгуаа Омар йшипхьадзауала, Анчва йхIвачIвгIвы Ауыбла апхъа заманыжвдза агIан абхазква адырри ацивилизации рылазгуз йакIвпI. Ауи амифология фыр дуква драпшта дгIайырбитI («Абаза» журнал, асквш 1997, №3).

АуагIахъа абаза апхъанчIви заман «абазах» ахьзын. Ауи ъагIарбу ашвапхаква щардапI. Антична уысагIв (хIэра апхъала VIII асквшышв) Гесиод йгьи йымщтахь йгIайуа Овидий рынхараква рпны йапхъахауата адуней йгIаквлыз ауагIахъаква айха-ахы йшачIву, йшацрахIву, рбзазара йшахъву гIарбапI. («АпхъанчIви заман йгIашIарышвта Ставрополь край атурых очеркква».1том, асквш 1984).

НакIвахв ХIазраиль.

Ар ауагIахъа рыщайдза абагIаджвыквылуа?

Апхьахьаква уагIахъата адуней йыкву ртлапкъ ащата КIавкIаз йгIатыцIта йщаквдыргылтI, Арий уагIахъа гвып(арийская раса) скшышвквакIла утхъахырквын, наука терминла йызларыпхьуз «кIавкIаз расан».

Йдучвам сгIвыра апны арий уагIахъа гIазлыцIыз сырхъвыхра стахъыпI. Европа Амараташварта алагъьла хIгIалагапI. Гомер й-Илиада афыр Аскания йыхьыз акъраль Скания-Скандинавия йгIахъшахъыцIтI. Рыщайдза ъагIаджвыквылуа Ассия-Асгард-Один йахIыгIва Илион (Троя) аквта Тамань акIвпI.

Ажва ахъазла уыжвгIанчIви Норвегия къральыгIва рыкъала хъада Осло апхъанчIви уагIахъа КIавкIаз йтыцIыз абазгква-абаскква рыщайдза йгIалцIитI – Асс- Лоу. УахьчIвала йщаквгылу атермин «из варяг в греки» уадгылуашта йгьаъам. Йара ауыгьи Европа амараташварта ашIыпIаква акультура тшгIащтIдызрыхыз Арес (Ар-Айс) йгIайхъшахъыцIыз аугIахъаква КIавкIаз йгIатыцIыз аткъвымква ракIвпI. ЙгIалкIгIара атахъыпI уыжвгIанчIви Нидерланды-Голландия ртлапкъква урышв хIващала Ван гIазхъшахъыцIуа апхъанчIви абаза уагIахъа и-Уан акIвпI. Ауи Иуан тлапкъ йара ауи апшта йгIаныцIитI аурышв тдзахьыз-хьыз – Иван.

Йшбергьльу апшта Юлий Цезарь ЭнейргIа йара йткъвымта йпхьадзун. Ахабарыжвквала ахейкви ауат йрыцIагылазгьи Илион (Троя) аныркIуаз Эней йхъа йхчауата ужвы Италия ъаныргIалу дазгIайтI. Тшанабитх, йщапIы даныквгылх, ахIыгIва гIанйыршатI. Дара ауат римлянква Альбион-Англия апны Лондиниум–Лондон, Йорк-шир ауаркъква йыруыхваз бзазартахатI.

ЙгIалуымкIгIушта йгьаъам ангьльыз уагIахъа рльапкъ ажвдза-Лоу-Лордква(Анхизид абанпара).

Ари ахабар ангIаджвыквсцIазара абаск уагIахъагьи гIахIмырбакIва йгьауашым. Ари ауагIахъа Испания алагъьи Франция агIадахьи ащхъа шIыпIа, Андорра къральыгIва чкIвын гIацIанакIуата, ацIахьылагьи Бискай дзыгIвбжьачIва атшпква рчIвартапI. Абазакви абасккви рыбызшва, рдунейыквща шапшу, ахвитра бзи йшырбауа гIалуымкIгIушта йгьаъам. Ага йызквбзазауа ашта агIархвитхра ралацIара дууызтынгьи, ужвы йъагIадзазгьи ауагIахъаква (Баски) къральыгIва гьырзыщаквыргылуам. Испания агIарып маврква рчIгIвынра сквш 700 йацIан, ауи йгIацIыздаз абаскква ракIвпI. Ауат йара уахьчIвагьи йазалху организация гIандыршан рхъахвитра йазабакIитI.

Йара ауаса Азияла рахIа хъацIара злу, йчвгьадзу инд-европа уагIахъа гвып йрыланакIуа апуштунква (Афганистан, Пакистан абзазагIвчва) рнаука нхагIчва йшырхIвауала, рыщайдза апхъанчIви грекква рахькIьала йгIаджвыквлитI. Ауи даквгIашIаситI агIвгIвы бергьльы Семенов Юлиан «Экспансия» йгIвыра апны. ЙаъапI датшагьи гIвыра Индия йнадзаз ацгьанква рышта йтызцаз арий уагIахъа шракIву, ауатгьи КIавкIаз йштыцIыз зрыбагъьауа.

Йбергьльу США агIвгIвы, аисторик, агрек уагIахъа йгIарылцIыз Захария Ситчин араса йгIвытI: «Содержание хеттских текстов и принадлежность их языка к индо-европейской семье сделали возможным проследить их происхождение и отнести его ко второму тысячелетию до нашей эры, когда арийские племена начали мигрировать с Кавказа».

Адунейла арий уагIахъа гвып йрыуата тшгIарылызхIвауа анамыцаква ракIвпI. Ан-мца – амца квырмыш азызчпауа гIаныцIитI. Айхагьи йапхъахауата йгIазырхарджьыз дара ракIвта йщаквдыргылитI. Анаука йшгIанахIвауала, анамыцаква хIара апхъала йцбахауа асквшышвква хIэра йпщбахауа асквшышв тлахан КIавкIаз йбзазун. (Асквш 1989 йгIацIцIыз совет энциклопедия Ду апны Германосса-Тамань йгIаквчважвауа гIвыра).

Агерман, ассква, аготква, афатейква(фатргIа), Сбыр-Урал йгIатыцIыз агунква, асармат-шармат ханква Атилла йахIыгIва абалахI йанацIашва уыжвгIанчIви Германия ъаныргIалу ашIыпIала йайтыпатI. Ужвы афатей-фатргIа рхабар гIахIхIыргвалашвахпI. Ауи йбергьльу ткъвымыжвдзан. Сквшызпхьадзара айхIа зхъыцIуаз фатргIа совет власть гIаргта, ауагIа рымлыкв анрыквырхуаз йыквырчIвакьтI. Ари атлапкъ запхъагылагIвыз ауагIахъа айсыгIвчва-тшыгIвчвата зкьы 20, щъагIвта зыкь 22 ангIадыргылуаз заман аъан. («Материалы к древнейшей и средневековой историй адыгов(черкесов), Черкесск наука рхъвыхырта институт, асквш 1954»).

ЙагIвсыз Абашта айсра Ду агIан анацистква рхачIв хъадаква йрыуан КIавкIаз агIакIра. Араъа йаъу анефть, адгьылква, атенгьыз мгIва гIадрысабапта Гималаи щхъа йыцIачIву акъральква, Индиягьи рылата ркIра рмурадын. Ауат рхачIвква йрылан КIавкIаз щхъа квта-УрышвихъымгIва адунейла квырмышчпарта квтата йырчпарныс.

Анацистква райсыгIвчва рпахь хачIвыта йрыздыргылтI, КIавкIаз алагъьла йбзазауа аугIахъаква йырхьымсырныс, ащхъа агIвадахьла йбзазауа йрызхъарымцIарныс(«План Барбадоса»).

Ауи акIвпIта, арат атурых гIаншараква уанрыхагIвазара, уагIахъата адуней йыкву зымгIва рыщайдза КIавкIаз йштыцIуа гIалкIгIа ауаштI.

УжвгIанчIви Къвбина ашIыпIаква апхъанчIвиква «Гипанис»-хIва йапхьун. «Ги»-«дзы», «панис»-«парала» - йгIайуа адзыгIв гIаныцIитI, ауи Азов (Меотида) йалачIвитI. Атопоним картала ари ашыпIа апны ахейква, афатейква, адандарийква, аджьандарква, адарква, адарыкъваква йрыштапI. Абар Гомер й-Илиада аквчважвараква йырхIвауа: «Амазонки – мифическое племя женщин воительниц и наездниц на севере Меотиды – Азов. С ними сражались Геракл и Тесей. В Троянской войне амазонки были враждебны ахейцам и после смерти Гектора пришли на помощь троянцам».

Гомер йфырква адуней угIахъа алыхта (арий йхIаракIу атлапкъ) тшызпхьадзауа зымгIва – анамыцаква, ангьльызква, ароманква, аславянква тшырпырщылитI. Ажва ахъазла Троя славян бызшвала йгIаныцIитI хсатыркIла йкIвыршу бзазарта. ЙашIхIырпшыпI: агерман-намыца уагIахъа рдамыгъа хъада-айха; КIавкIаз йгIатахаз ауагIахъаква рныхахIварта-квырмышчпарта ажьира – айхарчварта. «КIвалхы-колх» йгIаныцIитI – кольчуга, панцирь, шлем. Ужвы йъагIадзазгьи агIвычIвгIвыс заза «кIвалдзы ушвуцIума»-хIва лакъырды дырчпитI. Йара ауи апшта, Убых уагIахъагьи «Убла-йхы-йайха» гIаныцIуата йпхьадза ауаштI («Пророк Ауыблы и кавказцы», «Абхазская мифология древнейшая ли?» нхараква знапIы йгIацIцIыз апхьахьа Турция йту апсыуа махIаджьыр Бенгуаа Омар йшипхьадзауала, Анчва йхIвачIвгIвы Ауыбла апхъа заманыжвдза агIан абхазква адырри ацивилизации рылазгуз йакIвпI. Ауи амифология фыр дуква драпшта дгIайырбитI («Абаза» журнал, асквш 1997, №3).

АуагIахъа абаза апхъанчIви заман «абазах» ахьзын. Ауи ъагIарбу ашвапхаква щардапI. Антична уысагIв (хIэра апхъала VIII асквшышв) Гесиод йгьи йымщтахь йгIайуа Овидий рынхараква рпны йапхъахауата адуней йгIаквлыз ауагIахъаква айха-ахы йшачIву, йшацрахIву, рбзазара йшахъву гIарбапI. («АпхъанчIви заман йгIашIарышвта Ставрополь край атурых очеркква».1том, асквш 1984).

НакIвахв ХIазраиль.

Количество показов: 899
Автор:  НакIвахв ХIазраиль.